Gleðilegt nýtt ár

Mínir hjartalegu og ástkæru, gleðilegt nýtt ár og takk fyrir allt liðið.

Við hérna í París áttum rólegan dag þar sem við dvöldum að mestu í faðmi lýðveldistorgsins. Svo tókum við á rás þegar líða tók á daginn og héldum inn í Latínu-hverfið þar sem við leituðum uppi veitingastað fyrir kvöldið. Fundum svo einn á rétt við Notre Dame kirkjuna að nafni Jardin Notre Dame. Á meðan við biðum eftir borði skokkuðum við á slóðir Davinsí lykilsins og skoðuðum rós-línuna í kirkjunni Saint-Sulpice en stopuðum stutt við þar sem áramótamaturinn beið okkar. Eftir dýrindis máltíð og rólegheit lá leið okkar að Eiffel turninum þar sem við biðum nýs árs. Kl 00:00 (23:00 á ísl) var svo fagnað nýju ári með tilheyrandi látum og hrópum. Frá Eiffel héldum við svo út að Sigur-boganum þar sem við ætluðum að taka þátt í partíinu með hinum miljónunum en þurftum frá að hverfa þar sem óeirðalögreglan var frekar fráhrindandi á tímabili, en komumst þó í gegn að lokum. Gengum svo upp á hótel í rólegheitunum með viðkomu á einni knæpu til að væta hverkar fyrir svefninn.

Ástin lét lítið á sér kræla þennan daginn líkt og fyrri nema á í formi fljúgandi flaskna sem voru eflaust gjöf óeirðarseggja til óeirðarlögreglunar. Svakaleg ást þar á ferðum sem endar alltaf með heimilisofbeldi og einhverju fl. Við hinsvegar, sveitamennirnir vorum ekkert að tjá ást okkar á þeim lögreglumönnum og fengum því lítið af henni til baka.

En þakka allt gott á liðnu ári og vona að nýtt ár beri með sér marga góða og nýja hluti.

Með nýárskveðju,

Jón Þorsteinn (NNF) og hinir.

PS: myndir af látunum eru með.