Heil og sæl mín
elskanlegu, var út í Skaffó áðan að versla mér nauðsinnavörur og var á mínu
venjubundu SAB (Search And Buy) rölti um búðina. Svo labbaði ég fram hjá fólki
sem stóð í miðjum gangveginum og ræddu málin um eitthvað sem snéri að
einhverju. Í því augnabliki sem ég er að sneiða fram hjá þeim segir
eiginmaðurinn við frúnna. ,,Þetta er eins og hommarnir nota alltaf
". Ég auðvita snéri mér við og var næstum því búin að skella upp úr
en ákvað að halda för minni áfram í SAB leiðangri mínum af raksápu. Eftir
stutta stund fann ég raksápuna og rölti út úr búðinni með þessa eftirminnalegu
setningu í farteskinu.

Alltaf gaman í Skaffó !

kv,

Jón Þ.

Svona til að hvíla ykkur á því sem hefur staðið hér í mánuð ætla ég að setja niður nokkra línur til að hressa ykkur við. Til að byrja einhverstaðar þá var mér bent á þetta sérstaka heiti á barnastarfi í Grafavogskirkju. (Þið verðið að smella á linkinn til að sjá þetta). Kannski ekki merkilegt að sjá samhljóða setta saman nema kannski þegar þeir hafa skírskotun í þetta hér....ekki alveg tengt barnastarfi. Svo er það þetta með Spaugstofuna um hann Ólaf blessaðan. Það að segja að þetta hafi gengið of langt . Sama var sagt um áramótaskaupið 1994 þegar Vigga var að panta flatböku fyrir aðalinn á Þingvöllum. Allt varð vitlaust þegar Dabbi kóngur var örlítið við Bermúda-skál í Leifsstöð 1991. Þessi dæmi þykja alveg sjálfsögð í dag og allir skella upp úr þegar vitnað er í þessi atriði. Sama held ég að eigi við hérna, fólk verður bara að sjá það skoplega við þetta. Svona hljómaði þetta í höndum fjölmiðla sem vildu ná æsifrétt úr þessu öllu saman og helst fella nýjan meirihluta í beinni. Nú er bara að hlægja að þess, þetta verður fyndið með árunum. Veit þú skelltir upp úr þegar þú horfðir á myndbandi sem þú smelltir á hér að ofan. Skemmtum okkur yfir því að vera hérnamegin vatna og öllu því skemmtilega sem er í kring um okkur, að hlægja lengir lífið, hvort svo sem það er að fyndnum nafngiftum eða ofskammt af fréttaflutningi og endurtekningum. Með ástar kveðjum til þín Jón Sjálfur

Heil og sæl mín elskanlegu og ástælu. Vaknaði í morgun raddlaus og hress eftir að hafa sungið ættjarðarsöngva með frökkum fyrstu tímana á hinu nýja ári. Lá svo undir teppi fram eftir degi til að ná upp orku. Hoppuðum fram úr þegar árdegið stóð sem hæst skokkuðum niður að Notre Dame kirkjunni. Þegar þær sögumenjar sem og öll þau leyndarmál sem þar liggja höfðu verið skoðuð var haldið í bátsferð eftir Signu. Liðuðumst við eftir henni í kringum eyjarnar tvær og niður að Eiffel turninum og til baka aftur. Eftir þessar svaðilfarir var skokkað upp á hótel með viðkomu á Skíthopparabúllunni og hjá Bjarna Har.

Þar sem þetta er síðasta kvöldið er vert að segja að þessi ferð hefur verið einstök og magnþrunginn að öllu leiti. Höfum séð margt og lært en meira í því að kynnast heimsmenningu Evrópu. Höldum sáttir heim þó svo að engin hafi fundist ástin til að fylgja okkur yfir Atlantsálanna. Ferðaáætlunin er sú að við munum fljúga frá flugvellinum í Gaulverjahreppi um kl. 13:00 að staðartíma og birtast á hinu ástsæla og ylhýra um kl. 15:50. Munum verða sóttir af hinum háæruverðuga einkabílstjóra FEÓÓK skömmu eftir 16:00 og loka ákvörðunarstaður verður Grænamýri 28 um kl 17:00. Þetta er ekki nákvæmt og er háð breytingum veðurs og geðsveiflum flugmanna.

Nýárskveðjur til ykkar,

Jón Þorsteinn (NNF)

Halló allir í vonda veðrinu heima. Euro Disney var staðurinn sem við tókum fyrir í dag og gengum hann fram og til baka. Byrjuðum á því sígilda, ævintýrum um Mjallhvíti, Þyrnirós og fl. Hittum Drésa og hans kumpána. Fórum svo yfir í sjóræningjagarðinn þar sem ég lét lengja aðeins á mér hárið til tilbreytingar. Eftir að barnið í okkur hafði fengið fylli sína og útrás héldum við í Disney Studio. Þar skoðuðum við undur teiknimyndanna og allt sem tengist því að búa til góða kvikmynd. Ásgeir varð næstum því fyrir flóðbylgju, en náði samt sem áður að skýla sig bak við myndavélina, og viti menn sá bara Móses endurfæddan. Eftir þetta tók smá spenna við þar sem við létum okkur falla ofan af 8. hæð í The Twilight Zone Tower of Terror, svakaleg lífsreynsla. Þegar tekið var að skyggja tókum við næstu lest inn í höfuðborgina og droppuðum inn á nærtækasta Pizza stað sem við sáum.

Svo auðvitað á heimleiðinni fundum við Bjarna-Har verslun og keyptum nauðsynjar fyrir kvöldið.

Af ástinni er það að frétta að við erum farnir að halda að hún sé nú bara til í ævintýrum og skáldsögum. Ekkert bólar á henni, nema jú á helstu vegg- og myndspjöldum. Þannig að við erum farnir að horfa á okkar íslensku fljóð aftur. Íslenskt já takk.

Með góðviðriskveðjum,

Jón Þorsteinn (NNF) ( P.S: Nokkrar myndir fengu að fljóta með)

Heil og sæl öll sem eitt. Dagurinn í dag hófst að venju á teboði nema nú var það haldið á herbergi voru. Eftir að teið og skonsurnar voru runnar niður lá leið okkar niður og svo upp. Nánar tiltekið var haldið niður í jarðlestarnar og svo upp í Eiffel-turninn. Þar var dvalið uns tók að rökkva og heilsað upp á drottinn vorn og horft í leiðinni yfir hina fögru borg París. Svo unnum við okkur niður á við í rólegheitum með þar til gerðum niðursveiflum sem við fengum lánaðar hjá FL-Group. Gert var stanz á veitingahæðinni og bragðaðar himneskar vöfflur og kakó. Þessi mikla og upplífgandi reynsla varð tilefni sigurgöngu. Því var tilvalið að leggja leið sína að Sigurboganum og fagna þessum merka viðburði með Napóleon og öðrum sigursælum leiðtogum þessa lands. En vegna skorts á veitingahúsum og ævintýraþrá ferðamanna var, því miður, leiðin lögð á Planet Hollywood sem var viðkomustaður fæðuöflunar þetta kvöldið. Þar sem eldri borgarar ferðarinnar voru orðnir þreyttir eftir snæðinginn var ákveðið að skella sé heim í háttinn og bíða þess að morguninn risi bjartur og fagur eins og í Walt Disney ævintýri.

Þess má geta að hér poppaði upp á skjáinn hjá mér jólarós sem er fallegasta rós sem til er í hinum stóra heimi en er þó ekki að finna hér í París. Þó er ástina því miður hér ekki enn að finna þó svo víða hafi verið leitað. Erum samt vongóðir þar sem Rauða myllan er eftir en hún er sögð geyma hina fornfrægu frönsku ást.

Með ástar- og saknaðarkveðjum,

Jón Þorsteinn (NNF)